Premios AELG 2011

Xa sabedes que nos gusta estar ao tanto de calquer nova relacionada coa nosa lingua, e como o pasado sábado a Asociación de Escritores en Lingua Galega celebrou a súa Cea das Letras, na que deu a coñecer os galardoados cos Premios AELG 2011, pois hoxe traémosvos a relación de gañadores destes premios que recoñecen as mellores obras editadas (en diversas modalidades) durante o pasado ano.

Así, na categoría de narrativa o gañador foi Manuel Rivas pola súa obra Todo é silencio

, Estremas, de Ana Romaní, foi considerada a mellor obra poética

e, no campo da literatura infantil e xuvenil, o premiado foi Marcos Calveiro, pola súa obra O pintor do sombreiro de malvas (que xa se asomara polo noso blogue hai un tempo).

Tamén foron premiados a obra teatral Flores de Dunsinane, de Manuel Lourenzo

, o ensaio O clamor da rebeldía. Rosalía de castro: ensaio e feminismo, de Pilar García Negro

, e Marga do Val, pola tradución de Randea do alento (da nobel Herta Müller).

A Ramón Nicolás recoñecéuselle a Mellor Traxectoria en Xornalismo Cultural e o blog O levantador de minas, de Alfredo Ferreiro, foi nomeado Mellor Blog Literario. Ademais, a Asemblea de Socios e Socias da AELG premio á Fundación Penzol co premio Institución Cultural e o Premio Cervantes 2006 Antonio Gamoneda fou distinguido como Escritor Galego Universal.

E vos? Lestes xa a algún dos premiados? Pois a que esperades! ;)

02/05/2011 | Categorías: Audiovisual | Tags: alfredo ferreiro, ana romaní, antonio gamoneda, asociación de escritores en lingua galega, cea das letras, estremas, fundación penzol, herta müller, manuel rivas, marcos calveiro, marga do val, o clamor da rebeldía. rosalía de castro: ensaio e feminismo, o levantador de minas, o pintor do sombreiro de malvas, pilar garcía negro, premios aelg, premios aelg 2011, ramón nicolás, randea do alento, todo é silencio | Deixar un comentario