As armas da paixón, Pereiro por Pereiro, unha cartografía e cinco poemas

Xa chegou maio! Quedan 14 días para o Día das Letras Galegas, así que vai sendo hora de ir coñecendo máis en profundidade ao homenaxeado deste ano, o poeta Lois Pereiro. Empezamos por As armas da paixón, un marabilloso traballo documental (do que soubemos a través do blogue Caderno de Lingua) realizado polo CPI dos Dices (Rois) e o CPI da Baña (o guión é de Sara Paz e Luís Aldegunde é o editor do mesmo). 15 minutos para saber máis sobre a vida e a obra do poeta monfortino.

Conxuntamente con este traballo, podemos desfrutar doutros tres audiovisuais: Pereiro por Pereiro

, no que é o seu irmán Xosé Manuel Pereiro o que nos fala del, Unha cartografía de Lois Pereiro

, no que o profesor Arturo Casas analiza a súa obra, e Cinco poemas de Lois Pereiro

, unha lectura de poemas a cargo do propio Arturo Casas, Antón Losada, Antón Lopo, Paco Macías e Antón Patiño.

Grazas, compañeiros!

03/05/2011 | Categorías: Audiovisual | Tags: antón lopo, antón losada, antón patiño, arturo casas, caderno de lingua, cinco poemas de lois pereiro, cpi da baña, cpi dos dices, letras galegas, lois pereiro, luís aldegunde, paco macías, pereiro por pereiro, sara paz, unha cartografía de lois pereiro, xosé manuel pereiro | Deixar un comentario